|
Ази-Номхон далайн бүсийн симпозиум |
|
Дэлхийн Оюуны Өмчийн Байгууллагын Ази, Номхон далайн бүсийн “Зохиогчийн эрх ба Хамаарах эрхийн Хамтын удирдлага” сэдэвт симпозиум 2010 оны 9 дүгээр сарын 7, 8–ны өдрүүдэд ГХЯ-ны хурлын танхимд зохион байгуулагдаж байна. Энэхүү симпоузмыг Дэлхийн Оюуны Өмчийн Байгууллага, Япон улсын Зохиогчийн Эрхийн Газар болон МУ-ын Оюуны өмчийн газар хамтран зохион байгуулж байгаа бөгөөд Вьетнам, Малайз, Непал, Лаос, Камбож, Индонези, Хятад, Фижи, Шри Ланка, Энэтхэг зэрэг нийт 17 орны 35 гаруй төлөөлөгчид оролцохоос гадна манай улсын Зохиогчийн Эрх болон Хамаарах Эрхийн Хамтын Удирдлагын байгууллагын төлөөлөгчид оролцоно. Симпозиумыг МУ-ын Тэргүүн шадар сайд Н. Алтанхуяг, Монгол Улсын Оюуны Өмчийн газрын дарга Н.Чинбат, Япон улсын Зохиогчийн эрхийн газрын дарга Масаюки Шибата сан, ДОӨБ-ын Зохиогчийн эрхийн Хөгжил болон Соёл урлагийн салбарын даргын үүрэг гүйцэтгэгч хатагтай Гао Ханг зэрэг албаны хүмүүс нээж үг хэлнэ. Симпозиумын хүрээнд Зохиогчийн эрх болон Хамаарах эрхийн хууль тогтоомжууд, хууль эрх зүйн орчин мөн Хамтын Удирдлагын байгууллагын үйл ажиллагааны зорилго чиглэл, удирдлага, зохион байгуулалт, санхүүжилт, зохиогчийн эрхийн урамшуулалын хуваарилт болон соёл урлагын салбарын өнөөгийн тулгамдаж буй асууудлууд, шилдэг туршлага зэрэг асуудлуудаар ДОӨБ-ын Ази, Номхон далайн бүсийн улс орнуудын төлөөлөгчид харилцан ярилцаж санал бодлоо солилцоно.
|
